Opiny3>
De Starumer fisk fan Apollo
De sinne kaam, de sinne sonk,
’t lân bleau yn ’t stedske skaad.
Mar grutskens wreau in smeulend’ fonk
ta groulik plagiaat ~
As Jiskepûster fan it ryk
stint ûnbesjoen it lân
dêr oer dy frekte Ofslútdyk:
neat oan en deagewoan.
“Mar wy bin”, rôp ús Friezne wacht,
“op ierde dochs it sâlt.
Is dit lân net yn skier midsnacht
de ljochttoer oer de wrâld?”
“Wy hoeg’ gjin pronk dy’t oeral skynt,
gjin praal comme tout Versailles:
om’t thús himsels opnij útfynt –
wy bin gjin pappegaai.”
“Nea ninter masters slaaf gelyk,
har hymjend neierop:
hjir fiert triomf, hark: autentyk!
Al kost’ it my de kop.”
Elts rispe frucht waard uzes sels,
út Fryske boaiem sprút:
fidele mienskip, niks rebels,
fontein, mei fiskesnút ~
De sinne kaam, de sinne sonk,
neimaak waard net oer praat,
mar efter al ’t jûchhei dat klonk
sloech ’t fuotljocht djip syn skaad.
Aug 2018
Mear fan Friduwih Riemersma
Feteraan finzen yn ’t ferhaal De koma-korrektor fan Baukje Zijlstra |
Se kin wis skriuwe mar se hat it te drok Kultuerpolityk, Sirkwyseksisme en Fryske frouljusliteratuer |
Gjinien sprekt wierheid tsjin macht De tsjûgen fan de macht fan Aggie van der Meer |
Grutte hearskip gult net Koart ferhaal |
De Wuttelhaven del tritich jier letter |
Pleit foar in planeet mei in keunstprinsyp Stienkeal fan Elmar Kuiper |
Eare oan Aggie van der Meer dy’t de Gysbert Japicxpriis fertsjinnet |
De ienheid yn diggels del De koart ferhaalsyklus Ho Wu en Misty Mac van Aggie van der Meer |
Rinne yn it Waling Dykstra-wurdboek Synonimen, hast-synonimen en presisearringen fan rinne |
Bus Ien foar ien skoot ús mem de kofjekopkes en pantsjes oan ’e kant en dêr stiet er, de geheimdoaze |